လာလည်သူများသို့

သူငယ်ချင်းခင်ဗျား
ဒီဘလော့ဂ်လေးဟာ facebook မှာရှိတဲ့ နှလုံးသားရေးရာအဖြာဖြာရဲ့ ဘလေ့ာဂ်ဖြစ်ပါတယ်။ ၀င်ရောက်ကြည့်ရှုသူများထဲမှ စာရေးဝါသနာပါသူ၊ ကဗျာရေးဝါသနာပါသူများ ဒီဘလော့ဂ်မှာ ၀င်ရောက်ရေးဖို့ရာဖိတ်ခေါ်ပါတယ်။ ဒီမှာတင်ထားတဲ့ ကဗျာများ၊ စာများကိုဖတ်လို့ သဘောကျတယ်ဆိုရင် comment လေးရေးထားပေးဖို့တောင်းဆိုပါတယ်။ ဘာကြောင့်လဲဆိုတော့ သူငယ်ချင်းများရဲ့ comment တစ်ခုဟာ ကျွန်တော့်တို့အတွက်တော့ အားဆေးတစ်ခွက်ဖြစ်လို့ပါပဲ။ blog ရေးဖို့ရာဆက်သွယ်လိုလျှင် https://www.facebook.com/groups/heartcentre/ သို့ ပို့စ်တင်ကာဆက်သွယ်နိုင်ပါကြောင်း။

Saturday, June 8, 2013

ဖြစ်နိုင်ရင်လေ

ချစ်လွန်းလို့ သ၀န်တိုပြီး
ချုပ်ချယ်မိတာ ကို ငါလက်ခံပါတယ်
ငါလက်မခံနိုင်တာ နင့်ငါ့အပေါ်
ယုံကြည်မှု ခဏတာ ပျောက်သွားတာကိုပါ

လွမ်းလွန်းလို့ သတိရပြီး
ပြန်လာပါတော့လို့ပြောတာ ငါလက်ခံပါတယ်
ငါလက်မခံနိုင်တာ လွမ်းလို့ဆိုပြီး
ဘာအလုပ်မှမလုပ်ပဲ ထိုင်ဆွေးနေတာကိုပါ

အခန့်မသင့်လို့ စိတ်ကောက်ပြီး
ငါတို့တွေ ရန်ဖြစ်ကြတာ ငါလက်ခံပါတယ်
ငါလက်မခံနိုင်တာ အချိန်အကြာကြီး
အဲဒီ အကြောင်းအရာတွေကို မှတ်ထားမှာကိုပါ

ချစ်သူရယ် ဖြစ်နိုင်ရင်လေ
ငါတို့တွေ သ၀န်တိုပေမယ့်
ယုံကြည်မှုဆိုတာ ရှိကြောင်းပြကြရအောင်
ငါတို့တွေ လွမ်းပေမယ့်
ငါတို့ ရှေ့ရေးအတွက် ကြိုးစားကြရအောင်
စိတ်ကောက် ရန်ဖြစ်ပေမယ့်
ရန်ဖြစ်ပြီးတိုင်း အဲဒီကိစ္စတွေကို မေ့ထားလိုက်ကြရအောင်
                                                                             AH
Posted by at
Labels:

No comments:

Post a Comment

Subscribe to: Post Comments (Atom)